Qisqa hikoya

Bu videoda Queen rok guruhining vokalisti, britaniyalik qoʻshiqchi — Freddi Merkyuri haqida soʻzlashamiz. “We Will Rock You”, “Show Must Go On”, “We Are The Champions” va boshqa koʻplab xit qoʻshiqlarni ijro etgan Freddi shaxsiyati atrofida turli mish-mish va taxminlar yuradi, u haqida hujjatli va badiiy filmlar olinadi, qoʻshiqlaridan sahna va kinoda foydalanishadi, radioda ijro etiladi, videokliplari esa internetda 100 millionlab marta tomosha qilinadi.Yangi avlod uning qoʻshiqlarini eshitib ulgʻaymoqda. Yaxshilab oʻtirib oling, bu shaxsning hayoti haqida qisqa va qiziqarli tarzda gapirib beramiz.

Zodagonlik unvonidan voz kechgan yozuvchi hayoti haqidagi afsonalar qanchalik haqiqat? “Oʻlik jonlar”ning 2-qismi qayerda? Gogol tiriklayin koʻmilganmi? Barchasi birgina qisqa videoda mujassam. Kiramiz, koʻramiz, yoqsa, sizdan layk va izoh kutamiz. 🤜🤛

XX asr psixologiyasi, tibbiyoti, sotsiologiyasi, antropologiyasi, adabiyoti va sanʼatiga sezilarli taʼsir koʻrsatgan avstriyalik nevrolog Zigmund Freyd haqida suhbatlashamiz.

XX asrning yetarlicha eʼtibor topmagan, lekin elektr tokining rivojiga ulkan hissa qoʻshgan kashfiyotchisi Nikola Teslaning umr hikoyasi.

Bu videoda dunyoga mashhur Mona Liza surati muallifi, italiyalik rassom, olim, ixtirochi va yozuvchi Leonardo da Vinchining hayoti haqida gapirib beramiz.

Hayoti davomida bir necha marta aviahalokatga uchrab, lekin tirik qolgan fransuz yozuvchisi, shoiri va professional uchuvchisi Antuan de Sent-Ekzyuperining umr hikoyasini tinglaymiz.

Bu videoda dunyodagi eng mashhur sun’iy til — esperanto tili haqida va uning asoschisi Lyudvik Lazar Zamengof haqida bilib olamiz.

Bu videoda buyuk nemis fizigi Albert Eynshteynning umr hikoyasi haqida qisqa qilib aytib beramiz.

Ilm sohasidagi daho ayollardan yana biri haqida hikoya qilamiz. Yangi kashfiyotlar yoʻlida hatto oʻz sogʻligini ham qurbon qilgan ikki karra Nobel mukofoti laureati Mari Kyuri haqida eshitishga tayyormisiz? Hoziroq tomosha qiling.

“Temir xonim” nomi bilan tanilgan siyosatchi, 3 marta ketma-ket Buyuk Britaniya bosh vazir lavozimiga saylangan inson, Britaniya siyosati va rivojida oʻta muhim rol oʻynagan Margaret Tetcher haqida suhbatlashamiz.

Dunyoga mashhur hind jamoat arbobi va faylasufi, siyosatchi, Hindiston mustaqilligi uchun kurashgan buyuk shaxs — Mahatma Gandi haqida gapirib beramiz.

Oʻrgimchak-odam, Halk, Kapitan Amerika, Chumoli-odam, Temir-odam va boshqa koʻplab superqahramonlarni butun dunyoga mashhur qilgan inson — Sten Li haqida gaplashamiz.

Bu videoda Qadimgi Yunonistonda yashagan, buyuk faylasuf va notiq Suqrotning umr hikoyasini tinglaymiz.

Bugun biz mashhur Yuriy Gagarin qanday qilib jahon tarixida koinotga uchgan birinchi odam boʻlganini bilib olamiz. U maktabda aʼlochi bo’lganmi? Uning bolaligi qanday oʻtdi? Shu va boshqa savollarga ushbu videoda javob olamiz.

10 yil davomida 2000 dan ortiq asar yaratib, atigi 14 tasini sotgan buyuk rassom hayoti doimo tahqir va achinish nigohlari ostida oʻtdi. 37 yil umri davomida na ijod, na shaxsiy hayotda baxtli boʻla olmagan inson oʻlimidan soʻng san’atning eng buyuk insonlari qatorida tilga olinmoqda. Uning hayot va ijod yoʻlida yana qanday sirlar yashirin? Van Gog oʻz joniga qasd qilganmi? Barchasini birgina videoda bilib olishingiz mumkin.

“Dunyo boʻylab 80 kun” asarining muallifi, oʻz asarlarida havo shari, samolyot, suvosti kemalarini bashorat qilgan Jyul Vernning afsonalarga boy hayoti haqida, albatta, eshitishingiz kerak. Boshladik.

Bu videoda ingliz fizigi va matematigi Isaak Nyutonning hayoti haqida qisqacha gapirib beramiz.