Ulkan tirannozavrlarni filmlarda koʻrgan boʻlsangiz kerak. Ularning tanalariga munosib boʻlmagan qoʻllari eʼtiboringizni tortgandir. Nega shunday bahaybat jonivorning qoʻllari bunchalik qisqa boʻlishi mumkin? Bu shunchaki tasodifmi? Mana shu kabi savollarga videodan javob olasiz. Dinozavrlar davriga xush kelibsiz! 🦖
Goʻshtning asl narxi hozirgidan qimmat degan jumlani eshitgan boʻlsangiz kerak. Agar chindan ham goʻshtning narxi baland boʻlsa, qolgan summani kim toʻlayapti? Yoxud ularni qarz daftariga yozib qoʻyishyaptimi? Aslida butun jamiyat oʻzi anglamagan holda bu xarajatlarning bir qismini toʻlab keladi. Qanday deysizmi? Albatta, soliqlar orqali. Choʻntagingizdagi pullar qayoqqa ketayotgani va isteʼmol mahsulotlarining asl narxini bilishni istasangiz hoziroq quyidagi videoni tomosha qiling!
Tabiatni sizlab muomala qilmaganimiz ortidan juda koʻp muammolarga duch kelamiz. Shu muammolarni hal qilish uchun esa kuch, vaqt, qolaversa, mablagʻ ham sarflaymiz. Asalarilar bilan kechgan voqelik ham shundan mustasno emas. Videoni boshdan oxir tomosha qiling va asalarilar bilan bogʻliq qiziqarli maʼlumotlarga ega boʻling.
Qadim zamonlardan buyon Yer yuzida ikki xil tosh bir-biri bilan jang qilmoqda. Bu janglar natijasini faqatgina ularning zichligi hal qiladi. Kuchlilar choʻkadi, kuchsizlar koʻtariladi. Adolatsizlikka oʻxshaydi-ya? Ammo shunday boʻlmaganda, biz odamlar yerga sigʻmasdik. Nega deysizmi? Videoni oxirigacha tomosha qiling.
Insonning uzoq umr koʻrishi nimaga bogʻliq? Yoshlar va keksalarning oʻlim koʻrsatkichlaridagi tafovut sababini bilasizmi? Yoshlardagi “hayot eliksiri”ni ilmiy dalillar ham tasdiqlaganmi? Savollar koʻp, javoblari sizga qiziq boʻlsa, videoni oʻtkazib yubormang.
Sut qayerdan kelishini koʻpchiligimiz bilamiz. Ammo sut aslida filtrlangan qon ekani haqida eshitganmisiz? Ushbu videoda sigir misolida qon qanday qilib sutga aylanishini koʻrib chiqamiz. Qani, ketdik!
Koinotda millionlab toshlar uchib yuradi, ular sayyoramizga kelib urilishi ehtimoli qanchalik katta? Biz kuzatgan eng katta asteroid qaysi? Yerga eng yaqin kelgani-chi? Keling, bu haqida bilib olamiz.
Italiya pitsasi bilan, Koreya kimchisi bilan, Amerika esa olmali pirogi bilan mashhur. Hech oʻylab koʻrganmisiz, yuqorida tilga olingan taomlar uchun masalliqlar qayerda yetishtiriladi? AQShning mashhur olma piroglaridagi olma aslida “qozogʻistonlik” desak ishonasizmi? Keling, bu haqda batafsil videoda bilib olamiz!
— Men Grutman.
— Men Grutman.
— Men Grutman.
Yoʻq mavzu “Galaktika qoʻriqchilari emas”, balki miya sohalari haqida. Grutning bunga nima aloqasi bor deysizmi?
— Men Grutman.
E, uzr, Broka sohasi ishlamay qoldi shekilli. Mayli, nega miya gʻalati ishlashi mumkinligini bilish uchun ushbu videoni oxirigacha… men Grutman. 👀🌳
Hech nol orolida boʻlganmisiz? Hech boʻlmasa u yerda olingan rasmlarni koʻrgan boʻlishingiz kerak. U yerga baʼzida teleportatsiya ham qilib turishadi. U yerga qanday borishni bilish uchun ushbu videoni oxirigacha tomosha qiling!
Vaksina taʼsiri salbiy degan qarashlarga qanday qaraysiz? Bizni salbiy kasallikdan qutqarishga xizmat qilish maqsadida yaratilgan darmonning oʻzi zararli boʻlsa-ya? Kasallik va vaksinani taroziga qoʻysak, qay bir palla ogʻir tosh bosarkan? Savollarning barchasiga videodan javob oling.
Yuqori daromad yaxshi sogʻliqni saqlash tizimi qurish garovi boʻlishi mumkinmi? Bu haqida Bill Geytsning fikri qanday edi? Daromad darajasi past mamlakatlar ham sogʻliqni saqlash borasida maʼlum yutuqlarga erishishi mumkinmi? Qanday qilib? Savollarga javob topish uchun bu galgi videoni oʻtkazib yubormang.
Amerika inqilobi haqida ozmi-ko‘pmi eshitgandirsiz. Biroq lepidopteristlar haqida-chi? Mustamlakachilarga qarshi kurash bilan kapalaklarni nima bog‘lab turadi? Biroz g‘alati savol to‘g‘rimi?! Vaqtni bekorga ketkazmang, hoziroq videoni ko‘rib barchasini bilib oling.
Oʻn beshta Amazonka daryosi koʻzga koʻrinmas zinalardan osmonga tirmashib chiqib ketayotganini qanday tasavvur qilasiz? Bu yomgʻir osmonga yogʻadi deganimi? Yomgʻir tomchilarining barchasi Yerga tushmasligi haqida bilarmidingiz? Umuman agar sizga tomchivoylarning sayohati qiziq boʻlsa, videoni tomosha qiling.
Yangi olingan junli sviterni birinchi bor yuvganda kichrayganidan hammaning ham asabi buzilsa kerak. Lekin nega aynan jundan tayyorlangan sviter yuvganda kichrayadi-yu, boshqa matodan qilingani kichraymaydi? “Jun shunaqa-da endi”, deysizmi? Unda nega qoʻylar yomgʻir ostida kichraymaydi? Savollar qiziq, javoblar ham qiziq boʻlsa, videoni oxirigacha tomosha qiling.
Barchamizga ma’lumki, ovchilikda bergan yordami va qo‘riqlashi tufayli itlar insonlarga do‘st bo‘lishgan. Biroq mushuklar-chi? Ular hayotimizga qanday kirib keldi? Changalzorda ov qilib yurgan yirtqich mushuklar qachon sevimli momiqvoylarimizga aylanishga ulgurdi? Tezroq videoni ko‘ring va hammasini o‘zingiz bilib oling!
Tabiatda turlar xilmaxilligining asosiy sababchisi boy tuproq deb oʻylaysizmi? Aksincha boʻlsa-chi? Ozuqa moddalar yetishmaydigan tuproqda uzun boʻyli, xilma-xil oʻsimliklar oʻsadi desak, bunga qanday qaraysiz? Buning insonlar jamiyati bilan oʻxshashliklarini ham isbotlab bersak-chi? Hamma-hammasi — qisqa videoda, oʻtkazib yubormang.
Tuz — dunyodagi eng shirin narsa deyishadi. Aynan shu tuz hosildor yerlarning 1/3 qismini nobud qilish arafasida. Qanday qilib? Nega? Bu savollarga qisqa va qiziqarli javobni sizga video orqali soʻzlab beramiz. Ha, aytgancha, Yer ostiga tuz qayerdan kirib qoldi ekan? Videoni koʻrmasak boʻlmaydi, shekilli. 🏃
Agar shimolga borsangiz, oʻzingiz bilan zarang sharbatini oling. U yerdagi barcha daraxtlar shuni isteʼmol qiladi. Bu hazil, albatta. Bugungi sonimizda daraxtlar qanday qilib qishda omon qolishi haqida gaplashamiz. Videoni oʻtkazib yubormang!
Hech baliq oviga borib ko‘rganmisiz? Qarmoqqa katta baliq ilingandagi zavq qanday bo‘lishini bilasizmi? Javobingiz yo‘q bo‘lsa ham siqilmang, chunki kelajak avlod katta baliq u yoqda tursin, kichkinasini ham tatib ko‘rish baxtidan mosuvo bo‘lishi mumkin. Nega deysizmi? Hoziroq videoga o‘ting va baliqlarni qanday qilib nabiralaringizgacha saqlab qolish haqida bilib oling.
Dunyodagi eng katta mavjudot koʻk kit. Buni barchamiz bilamiz. Bu maʼlumotlar qanchalik toʻgʻri ekanini hech tekshirib koʻrganmisiz? Buni bilish vaqti keldi. Agar tayyor boʻlsangiz, bugungi sonimizda Ozodlik haykalidan baland daraxt, 40 ta koʻk kitga teng “panda” haqida gapirib beramiz.
Hozirgi hayotimizni plastiksiz tasavvur qilish juda qiyin. Bu ajoyib mahsulot deyarli barchaning uyida bor va undan har kuni turli maqsadlarda foydalanamiz. Ammo uning salbiy tomonlari ham yoʻq emas. Plastikning qanday yomon taraflari boʻlishi mumkin deysizmi? Bu savolga videodan javob topamiz.
Agar biror favqulodda holat yuzaga kelsa, shu kungacha mavjud zaxiralar Yer yuzidagi insonlarni qancha vaqtgacha ozuqa bilan taʼminlashi mumkin? Juda koʻp deysizmi? Unda adashasiz. Masalan, okeandagi barcha (barchasini-ya) baliq, krevetka, qisqichbaqa va krillarni tutsak, ular bizni 6 oycha boqa olar ekan. Yana boshqa zaxiralar ham bor deysizmi? Mayli, unda videoni koʻring va barchasi haqida oʻzingiz batafsil bilib oling.
Qushlar nima uchun manzillariga toʻgʻri uchib borishmaydi? Ilonizi boʻlib uchib borganda ular manzilga tez yetib borishlari haqida bilarmidingiz? Shamol oqimi ularning tezligiga taʼsir qilishi haqida-chi? Suv va quruqlik ustida uchishning ham farqi bormi? Savollarning javobi qiziq boʻlsa, videoni oʻtkazib yubormang. Biz faqat shu savollar bilan cheklanib qolmaysiz. Sizga ataganlarimiz bisyor, qani, ketdik!
Miya tanaga mos hajmda boʻlishi haqida bilsangiz kerak. Ammo xonakilashtirilgan hayvonlar miyasida umumiy kichrayish yuz bergan desak, bunga qanday qaraysiz? Uy hayvonlari bilan kuzatilgan hodisaga nima taʼsir koʻrsatgan? Miyadagi vahima tugmachasi haqida bilasizmi? Videoda ana shular haqida gaplashamiz, oʻtkazib yubormang.
Miya ritmi qanday harakatlanadi? Neyronlar uyqu paytida ham faol boʻladimi? Bu savollarga videoda javob topamiz.
Dinozavrlar oʻz tanalarini koʻtara olmaydigan oʻlchamga borib qolganlarini bilarmidingiz? Hozir koʻk kitlar Yer yuzidagi eng katta jonivor ekanini bilsangiz kerak, ammo avval ular hozirgi koʻrinishidan uch baravar kichik boʻlgani sizni qiziqtirib qoʻyishi mumkin. Vaznlar oʻzgarishiga qanday omillar taʼsir qilgan? Bugungi videoda siz uchun aynan shular haqida hikoya qilamiz. Oʻtkazib yubormang.
Aholi soni boʻyicha eng katta davlatlar qaysilar? Nega ularda buncha koʻp odam istiqomat qiladi? Avval ham shunday boʻlganmi? Bu va shunga oid boshqa savollarning javobini videodan bilib oling.
Suv va shakar qorishmasi boʻlgan mahsulotlar yopishqoq boʻlishini bilamiz. Lekin suv ham, shakar ham yopishqoq emas-ku? Nega ikkisining aralashmasidan tayyorlangan mahsulotlar yopishqoq boʻlib qoladi? Yelimning ishlab chiqarilishida suv va shakarning oʻrni bormi? Navbatdagi video biroz “yopishqoq” mavzuda — oʻtkazib yubormang.
Maʼlum kasallik himoyachisi sanalgan dori-darmonlar tarkibi haqida oʻylab koʻrganmisiz? Turli bakteriya va zamburugʻlardan himoya maqsadida dori qabul qilganda uning tarkibida ham zamburugʻ yoki bakteriya boʻlishi mumkinligi xayolingizga kelmagandir. Kimyoviy jang sanʼati ustalari boʻlgan dorilar tarkibi haqida bilmoqchi boʻlsangiz, videoni oxirigacha tomosha qiling.
Oy deganda nimani tushunamiz? Bir yilda nechta OY bor? Oy — sayyora. Boshqa maʼnolarni-chi? Quyosh tizimidagi boshqa jismlarga nisbatan ham oy nomi ishlatilishini bilasizmi? Oylar jamiyati haqida eshitmagan boʻlsangiz kerak, bu jamiyatga aʼzo boʻlish uchun nomzodlardan nima talab qilinadi? HoynahOY Oy haqidagi bu galgi videoni koʻrmasam boʻlmas ekan deb oʻylayotgandirsiz! Unda oʻtkazib yubormang.
Dam olish kunida bug‘u go‘shtidan qozon kabob qilish haqida o‘ylab ko‘rganmisiz? Aslida, bugun sigirlar bilan bir qatorda bug‘ularni ham sevib iste’mol qilishimiz mumkin edi. Lekin bir sabab tufayli bug‘ular faqat Santa haqidagi kinolarda yoki hayvonot bog‘larida uchraydigan hayvonga aylanib qoldi. Buning sababini esa ushbu videoni koʻrgach bilib olamiz.
Chigʻanoqlarning miyasi yoʻqligini bilarmidingiz? Ana endi bilib oldingiz. Ammo ana shu miyasi yoʻq organizm sayyoramizning barcha togʻ choʻqqilari va muzliklarda qancha qor borligini bilar ekan. Xoʻsh, siz-chi? Shuncha maʼlumotni ular qayerdan bilishi sizga ham qiziq boʻlsa kerak. Unda videoni boshdan oxir tomosha qiling.
Muddatdan oldin tugʻilgan chaqaloqlarda oʻpka bilan bogʻliq xastalik boʻlishi mumkin. Avvallari bunday hollarda koʻplab goʻdaklar halok boʻlar edi, ammo bugun buning oldini olish yoʻli topildi. Bu videoda shu haqida soʻzlaymiz.
Maymunlarning uchinchi “qoʻli” haqida eshitganmisiz? Hamma maymunlar ham bunday imkoniyatdan foydalana olmasligi haqida-chi? Ha, nima ham derdik, tabiat baʼzan juda shafqatsiz. Nega barcha maymunlarda uchinchi qoʻl yoʻq? Markaziy va Janubiy Amerika oʻrmonlarida yashovchi maymunlarning ustunligi nimada? Aslida bu ustunlikmi? Savollarning barchasiga videodan javob olasiz, sizni “dumli” hikoya kutmoqda.
Yoʻlbarslar ham niqoblanadimi? Qanday qilib? Yovvoyi hayvon hisoblangan bu jonivorlar xonakilashtirilishi mumkinligi haqida oʻylab koʻrganmisiz? Ular qanday sharoitda yaxshiroq yashaydi? AQShning Texas shtatida hovlida yashaydigan yoʻlbarslar borligini bilarmidingiz? Bu hali boshlanishi, bilmaydiganlarimiz koʻp. Bilib olish uchun esa ushbu videoni koʻrish kifoya.
Oʻz bolasini tushlik sifatida yeydigan hayvonlar — qanchalik vahshiylik! Qanday qilib oʻz bolasini yeyish mumkin deyishga shoshilmang. Hayvonlarda bu uchun asosli sabablar bor. Videoda bu haqida batafsil gapirib beramiz. Tomosha qilishga ketdik.
Tuproq yoʻqotayotganimizdan xabaringiz bormi? Tuproqni saqlab qolishning yoʻli bormi? Bu muammo va uning yechimlari haqida toʻliq maʼlumotni aynan shu videoda taqdim etamiz.
Goʻzallik dunyoni qutqarishi haqida eshitgansiz. Ammo goʻzallik orxideyalarni qutqarib qolishi haqida-chi? Oʻzidagi bir qancha yomon sifatlarga qaramay, tarovati bilan hammani oʻziga jalb qilgan va shu orqali hayotda qolishni uddasidan chiqqan oʻsimliklarning ayyorona strategiyalari haqida bilmoqchimisiz? Unda bu galgi video aynan siz uchun!
Biz YouTubeʼda biror narsa qidirganimizda soʻrovga oid video bizga yetib kelishi uchun qancha energiya sarflanishi haqida hech oʻylab koʻrganmisiz? Keling, bu sarguzashtni oddiy batareyalar misolida hisoblab koʻramiz. 10 megabaytlik video uchun 1 ta batareya quvvati sarflanar ekan. Xoʻsh, keyin-chi? Qolgan hisob-kitoblarni videoda birgalikda davom ettiramiz. 😎
Soʻnggi bir necha milliard yil ichida qancha jonzot yoʻq boʻlib ketdi? Nega baʼzi jonzotlar tirik qoldi-yu, qolganlari qirilib ketdi? Bunday boʻlishiga muzliklarning nima aloqasi bor? Bu savollarga video davomida javob berishga harakat qilamiz.
Gullar oʻz changlarini tarqatish uchun hasharotlarni qanday jalb qiladi? Aynigan goʻsht hidini taratadigan gul haqida eshitganmisiz? Tunda ochiladigan gullar hasharotlarni qanday usul bilan chaqirib oladi? Hammasi sirli va bir vaqtning oʻzida qiziqarli. Bularning barchasi haqida ushbu videoda soʻz boradi.
Qoʻziqorin bulutlari haqida eshitganmisiz? Bulutlar bir qarashda begʻubordek koʻrinadi, ammo ular paydo boʻlishida changlar ishtirok etadi desak ishonasizmi? Ularning yuzaga kelishiga qoʻziqorinlarning qanday aloqasi bor? Hammasiga javob — birgina videoda jamlangan. Koʻrmasangiz boʻlmaydi.
Baliqlarni ovlayotganda kelib chiqishimiz aynan mana shu mavjudotlarga borib taqalishi haqida oʻylab koʻrganmisiz? Oʻzi bu rostmi yoki shunchaki ekologlar oʻylab topgan safsatami? Savollar koʻp, batafsil javob esa videoda. Oʻtkazib yubormang.
Karbonat angidrid koʻzga koʻrinmas gaz ekanini bilamiz, is gazi ham xuddi shunday. Ular tabiatga va insonlarga yetkazayotgan zararni esa koʻrmaslikka olishning ham imkoni yoʻq. Ammo ularga nimaga qodir ekanimizni koʻrsatib qoʻya olamiz. Qanday deysizmi? Bu haqida batafsil videoda koʻring.
Shaharda yashash har doim ham maza emas. Baʼzi rivojlangan shaharlar suv boʻylarida joylashgani sababli ularga suv toshqini va boʻron kabi tabiiy ofatlar doimo xavf solib keladi. Nahotki, dahshatli qurbonliklarga sabab boʻluvchi “zoʻravonlar”ni yengishning biror usuli boʻlmasa? Olimlar qayerga qarashyapti? Videoda sizga hammasi haqida qisqacha aytib beramiz. 🗣
Genetika sehrli fan. Shunday emasmi? Qaysi xususiyatlar gendan keyinga avlodlarga meros boʻlib oʻtadi-yu, qaysilari hayot davomida shakllanadi? Bu boʻyicha kalamushlarda oʻtkazilgan tadqiqotlar haqida bilarmidingiz? Javobingiz yoʻq boʻlsa, video aynan siz uchun. Oʻtkazib yubormang.
Ob-havo isishi deganda faqat quruqlikdagi iqlim oʻzgarishlarini tushunamiz. Ammo suvda ham harorat koʻtarilishi mumkinligi va bu koʻplab muammolarni keltirib chiqarishi haqida oʻylab koʻrmaymiz. Tabiatga nisbatan qilayotgan keskin munosabatlarimizga qaramay nega harorat keskin isib ketmaydi. Ehtimol, bizning bu masʼuliyatsizligimiz jabrini suvda yashovchilar tortayotgandir. Yoki oʻzimizga ham salbiy taʼsirlari bormi? Ana shu savollarning javobini bugungi video orqali bilib olishingiz mumkin.
Bugungi kunda 20 mingdan ortiq jonzot yoʻq boʻlib ketish arafasida. Juda katta raqam, shunday emasmi? Xoʻsh, biz insonlar, ulardan qay birini zudlik bilan qutqarishimiz, qay birini qutqarishni keyinroqqa surishimiz kerak? Umuman olganda ulardan qaysi biri tabiat uchun muhim? Batafsil bugungi videoda bilib olishingiz mumkin.
Biror jonivor oʻlishi bilan uni oʻlaksaxoʻrlar talay boshlashini bilamiz. Ammo nega hamma hayvonlar ham boshqalari uchun ozuqa boʻla olmasligi, balki ularning hayoti uchun xavf tugʻdirishi haqida-chi? Hayvonot olamida sifat nazorati qanday ishlaydi? Oʻlimdan keyin ham ularning tanasini himoya qilishda qanday vositalar yordam bergan? Qoʻyib turing, biz zaharlanmaslik borasida jonivorlardan oʻrganishimiz kerak boʻlgan narsalar bormi? Savollar juda koʻp, javoblarning barchasi qisqa videoda, tomosha qiling.
Shahar hayotiga moslashgan “shaharlik hayvonlar” haqida eshitganmisiz? Shunaqasi ham boʻlar ekanmi deyishingiz mumkin. Ammo bu hayotda nimalar boʻlmaydi deysiz. Ana shunday jonivorlar haqida bilmoqchi boʻlsangiz, ushbu videoni koʻrishni tavsiya qilamiz. Oʻtkazib yubormang, qiziq maʼlumotlar sizni kutmoqda.
Yum-yumaloq Oyni koʻrdim desangiz, adashasiz. Biz Oyni hech qachon toʻliq koʻra olmaymiz. Nega shunday? Oy oʻz oʻqi atrofida aylanib harakat qiladi-ku. Aslida biz Oyning qancha qismini koʻramiz? Yerning eng yaqin yoʻldoshi haqida navbatdagi videoda yangi maʼlumotlarga ega boʻlishingiz mumkin.
Sayyoramizdagi qitʼalar vaqti-vaqti bilan surilib, ajralib yoki bir-biriga urilib turishi haqida bilarmidingiz? Bu boʻyicha kuzatuvlar fazodan olib borilishini-chi? Shu bilan bogʻliq sayyoramizdagi boshqa hodisalar haqida bilishni istaysizmi? Unday boʻlsa, ushbu video aynan siz uchun. Koʻring — yangi maʼlumotlar egasiga aylaning.
AQShda haydovchilar bir kunning oʻzida bir millionga yaqin hayvonni urib yuborar ekan. Tilsiz hisoblangan jonivorlarning mushkullarini oson qila olamizmi? Ehtimol, oʻsha qiyinchiliklarning yaratuvchisi biz – insonlardirmiz. Buni inkor qilib boʻlmaydi. Agar yuqoridagi kabi holatlarning oldini olishga oz boʻlsa-da qiziqsangiz, ushbu videoni oʻtkazib yubormang.
🐘 Oʻzingizni hech hayvon tanasida tasavvur qilib koʻrganmisiz? Toʻsiq, toʻrlar, devorlar boʻlishiga qaramasdan hayvon va hasharotlar qanday qilib uyimiz ichiga yoʻl topib kirishadi? Filning dushmani faqat sichqon emas ekan. Unda nima? Savollar koʻp, javoblar esa bir videoda mujassam. Birga tomosha qilamiz.
Negadir koʻpchilik mikroblarni zararli deb biladi. Ammo ularning orasida yaxshilari ham topiladi. Qahva, non, pishloq, shokolad. Barchamiz sevib isteʼmol qiladigan bu kabi mahsulotlarni tayyorlashda asosiy ishni mikroblar bajaradi, desak ishonasizmi? Keling bunga videoni kuzatish davomida aniqlik kiritamiz.
Dunyoda qizlar koʻpmi yoki oʻgʻil bolalar? Azaliy javobsiz savol. Aslida tabiat qonunlarining tubida qanday sir yotibdi? Oʻgʻil bolalarning tabiatan kuchli, chidamli ekanliklari yolgʻonmi? Ona organizmida bola tugʻilgunga qadar qanday kurash kechadi? Oʻgʻil bolalar, ehtiyot boʻling, bu videoni koʻrgandan soʻng yengil shokni boshdan kechirishingiz mumkin. 🤯
Shaharlar va qishloqlar oʻrtasidagi farqni hamma turlicha sanaydi. Shaharlarga intilishning talaygina sabablari bor. Ammo qishloq qiyinchiliklaridan uzoqda boʻlgan insonlar uchun qishloqlar ham shirin orzu hisoblanadi. Bu galgi sonimizda shahar va qishloqlar orasidagi tafovutlarga boshqa rakursdan qaradik, videoni oʻtkazib yubormang.
Nipa, Hendra, Margburg — bularning bari qandaydir shahar nomlari emas, balki dunyodagi eng xavfli virus turlarining nomlaridir. Bu viruslar 1960-yildan boshlab paydo boʻlgani haqida bilasizmi? Bunday viruslarning tarqatuvchisini bilish juda qiziq, shunday emasmi?! Keling, bugun shu haqida gaplashamiz.
Kartoshka bilan Yerni ularning shaklidan boshqa yana nima bogʻlab turadi? Juda mavhum va qiziq savol, shunday emasmi? Ammo Lord Kelvin ana shu bogʻliqlikni topgan koʻrinadi. Kim oʻzi u demoqchimisiz? Savollar juda koʻp, barchasiga javob olish uchun videoni tomosha qiling.
Oʻsimliklar ham xabarlashib turadimi? Masalan, qandaydir xavfni sezgudek boʻlsa, ular boshqa turdoshlariga qanday qilib belgi beradi? Ehtimol, ularda ham uyali aloqa telefonlari bordir. Hazil, albatta. Rosti qanday ekanini bilmoqchi boʻlsangiz, bu galgi sonimizni oʻtkazib yubormang.
Plastik eng qulay, hamyonbop xomashyo ekanini hamma biladi. Shu bilan birga, uning chidamli ekani ham insonlar uchun qoʻl keladi. Ammo boshqa jabhalarda uning chidamliligi muammo tugʻdirishi ham mumkin ekan. Qanday deysizmi? Unda videoni koʻring va savollaringizga javob oling.
Meteorologlar qanday qilib yomgʻir yogʻishini oldindan aniqlashlari haqida hech oʻylab koʻrganmisiz? Nega xato qilishlari haqida-chi? Sabab katta ehtimol bilan siz oʻylagandek emas. Shunchaki baʼzi yomgʻirlar meteorologlarga koʻrinmaslik qobilyatiga ega. Qanday qilib deysizmi? Javobni bilish uchun videoni oxirigacha tomosha qiling.
Mitti ilonizi irmoqlarning kattaroq “qarindosh”lari kimlar? Tekislikdagi ilonizi irmoqlar va togʻ tizmalaridan oqib tushuvchi tezoqar suvlar orasida qanday tafovutlar bor? Daryolar suvi bir qarashda beozor va sokin koʻrinadi. Aslida ham shundaymi? Barcha savollarga birgina videodan javob toping, oʻtkazib yubormang!
Daryo, muzliklar qayerdan paydo boʻlgan? Inson kim boʻlishining qancha qismi tugʻilishdan oldin aniq boʻladi? Daryolar nega ilonizi boʻlib oqadi? Nega ilondan qoʻrqamiz? Negalarning javoblarini birin-ketin biz bilan toping. Barcha savollaringizga javob beramiz. “Yerdan gapiramiz”ga xush kelibsiz!
Global iqlim inqirozi bilan faqatgina olimlar shug‘ullanadimi? Issiqxona gazlarining oshishiga sementning nima daxli bor? Bu haqida ushbu videoda bilib olamiz.
Nega baʼzi davlatlarda avtomobil harakati boshqalarnikidan farq qiladi? Umuman olganda oʻng tomonda yoki chap tomonda harakatlanish qoidalari qachon va qayerda ishlab chiqilgan? Bunga Gitler yoki Napoleonning nima dahli bor? Bugun shu savollarga javob beramiz. Qani, boshladik!
Chanqagan payt suvdan yaxshi narsa yoʻq-a?! Aytgancha, suv Yerimizga qayerdan kelgan? Qiziq, u Yerda oʻz-oʻzidan paydo boʻlganmikin yoki kimdir olib kelganmi? Keling, shu savolga birga javob topamiz. Ekranlaringizga yaqinroq oʻrnashib oling. Biz boshladik!
Bir uyada o‘rtacha qancha ari yashaydi? Asalarilar gul changini quritish uchun tilida olib yurishi haqiqatmi? Asal muxlislari nafaqat odamlar, balki yana bir qancha hayvonlar bo‘lib, hammasi haqida qisqagina videoda hikoya qilamiz. 🐝
Inson tanasida kechuvchi jarayonlar moʻjizaning oʻzginasi. Ana shunday moʻjizaga bir misol terimiz bilan bogʻliq. Tanamiz har kuni oʻn millionlab yangi qatlam hosil qiladi, desak ishonasizmi? Uning bitmas-tuganmas armiyasi bor desak-chi? Moʻjizaga guvoh boʻlmoqchimisiz? Shunchaki “teringiz osti”ni, yoʻgʻe, videoni tomosha qiling.
Insoniyat barcha hayvonlardan o‘zini ustun deb bilsa-da, tungi hokimiyatni allaqachon qo‘ldan boy berib bo‘lgan. Oyga chiqishga aqli yetgan insonlar mitti zararkunanda oldida ojiz! Kim ekan o‘sha qahramon deyapsizmi? Hoziroq videodan bilib oling.
Quyosh tizimidagi eng baland togʻ Everest emasligini aytsak, hayron qolasizmi? Undan ikki yarim barobar baland togʻ bor desak-chi? Bugungi sonimizda shu haqida gaplashamiz va Yer yuzasida sunʼiy togʻ qurishga harakat qilib koʻramiz. Oʻtkazib yubormang!
Oʻtmishdagi issiq va quruq tropik iqlim kelajagimizga aylanishi mumkinmi? Tropik oʻrmonlarda nega koʻp yomgʻir yogʻadi? “Hahai no ka ua i ka ulula’au” nimani anglatadi?
Oygacha uchib bora oladigan qush haqida eshitganmisiz? Qushlar muz ostida qishlashi haqidagi afsonalar rostmi? Qisqacha qushlarning bir o’lkadan boshqasiga uchib ketib qishlashi haqidagi sarguzashtlar hikoyasi bilan ushbu video orqali tanishishingiz mumkin. 🦅
It va mushuk boqish sogʻliq uchun foydali ekanini bilarmidingiz? Nega uy hayvonlari bor oilalarda tugʻilgan bolalarda allergiya va astma kasalliklari kam uchraydi? Sizga uyda it, mushuk boqishga ruxsat berishmayotgan boʻlsa, bu video orqali ularning fikrini oʻzgartirishingiz aniq. Uy hayvonlarining yana bir ajoyib tomonini bilish uchun PLAY tugmasini bossangiz, masala hal. 😉
Yer sayyoramiz necha yoshda? U nega oʻz yoshini yashirishga harakat qiladi? Biz Yer qachon paydo boʻlganini qanday qilib aniqlaymiz? Shu va boshqa savollarga qiziqarli ravishda javob olishga tayyormiz. Videoni birgalikda tomosha qilamiz.
Yerga botib qolgan mashinalarni hech koʻrganmisiz? Ular bu ahvolga qanday tushib qoladi? Qirgʻoqda oʻzidan-oʻzi choʻkib ketgan qaroqchilar kemasining halokatiga nima sabab boʻlgan?
Chigʻanoq oʻz-oʻzidan paydo boʻladimi yoki uni dengiz mavjudotlari yasaydimi? Ajabtovur shaklga ega chigʻanoqlarning tarkibi aslida nimalardan iborat? Shu kabi savollarning javobi va yana bir qator qiziqarli maʻlumotlarni PLAY tugmasini bosish orqali hoziroq bilib olishingiz mumkin.
Nega olimlar odamlarni qanday hayot kechirishini bilish uchun ular tashlagan chiqindilarni oʻrganishadi? Chiqindilarimiz biz haqimizda nimalarni ayta oladi? Shu va boshqa savollarga videoni koʻrib javob olamiz.
Odamzod suv tubidagi jonzotlar haqida juda kam maʼlumotga egaligini bilasizmi? Hattoki okean tubida yashovchi baʼzi bir mavjudotlar haqida koinotdagi qora tuynukdan ham kamroq narsa bilamiz. Keling, ular haqidagi bilimimizni sal oshirib olamiz.
Biz oyogʻimiz ostidagi qum haqida nimalarni bilamiz? Nega u doimo deyarli bir xil koʻrinadi? Nega shuncha koʻp qum sohilga borib qoladi? Bu savollarga javobni videodan topamiz.
Sayyoramizni unda odamlar yashashi uchun qulay qiladigan atmosferamiz har soniyada tashqi fazoga sizib chiqib ketayotganini bilasizmi? Ushbu videoda bu haqida aytib beramiz.
Katta ochiq maydonda chaqmoqdan qanday omon qolish mumkin? Chaqmoq oʻzi nima? Nima qilsak u bizga kelib urmaydi? Shu va chaqmoqga aloqador boshqa savollarga ushbu qisqa video orqali javob topamiz. Qani, ketdik!
Nega biz koʻpincha bir yillik oʻsimliklarni oʻstiramiz? Koʻp yillik oʻsimliklarni oʻstirish qanchalik foydali? Shu va ekinlarga aloqador boshqa savollarga ushbu videoda javob topamiz.
Nega yerning baʻzi qismlari hosilsiz-u, boshqasi yam-yashil? Ushbu savolga bu qisqa video orqali javob topamiz.
Nega Yer 4 500 000 000 yoshda deb oʻylaymiz? Yer haqida nimalar bilishimiz va bilganlarimizni qayerdan bilib olganimiz haqidagi gaplashamiz.
