Bir kunda qancha soch to‘kiladi?
Soch, soch to'kilishi, soch tolasi, bir kunda qancha o'sishi, sochning qachon tez o'sishi va soch tarkibi haqida qiziqarli faktlar bilan tanishing.
2 min
25.03.2023
Biologiya va tibbiyot

Bu maqolada turli hil kasalliklar sababli soch toʻkilishi haqida maʼlumot bermaymiz, aksincha odam sochi va unga bogʻliq boʻlgan qiziqarli faktlar bilan oʻrtoqlashamiz:

— Har bir odamning boshida 90 000 tadan 150 000 tagacha soch tolasi bor.
— Soch oʻrta hisobda kuniga 0,33 mm, yiliga esa 12 sm, oʻrtacha umr davomida esa 7,6 metr oʻsadi.
— Sogʻlom insonda bir kunda 30 tadan 120, boshqa manbalarga koʻrsa esa 300 tagacha soch toʻkilishi mumkin.
— Soch 15–30 yoshlar oraligʻida tez oʻsadi. 50 yoshdan keyin oʻsish sekinlashadi.
— Yozda soch qishdagidan koʻra tezroq oʻsadi.
— Soch tolasining mustahkamligini alyuminiyga qiyoslash mumkin. Har bir tola oʻrtacha 100–200 gramm yukni koʻtara oladi.
— Soch nam tortish, suyuqlikni shimib olish xususiyatiga ega.
— Eng baquvvat soch qora tanlilarda. Ularning sochi, odatda, oq tanlilarnikidan 3 barobar yoʻgʻon boʻladi.
— Boladagi dastlabki soch tolalari ona qornida 4–5 oylik boʻlgandayoq paydo boʻladi.
— Soch asosan oqsillardan tashkil topgan.
— Ayollarning sochi erkaklarnikidan kam toʻkiladi, chunki ularning soch ildizi erkaklarnikidan 2 mm chuqurroqda joylashgan.
— Sochni oʻranuvchi fan “trixologiya” deb ataladi. Trixologlar esa soch va bosh kasalliklarini davolovchi shifokorlardir.
— Dunyoning atigi 4% aholisi malla rang sochi bilan gʻurulanishlari mumkin.
— Hoʻl soch qurugʻidan koʻra 3 barobar ogʻirroq va 25-30 foizga uzunroq boʻladi.
— Burun ichidagi soch inson organizmga xavfli viruslar kirish ehtimolini kamaytiradi.
— Ayollar sochida erkaklarnikidan koʻproq oltin moddasi bor.


Maqola oriftolib.uz saytidan olindi. Original maqola → Bir kunda qancha soch toʻkiladi?
Muqova surat: Kasia Serbin / unsplash.com

Matnda xato topdingizmi? Kerakli matnni belgilang va CTRL+ENTER tugmalarini bosing.

Eng so‘nggi maqolalarni o‘tkazib yubormang!
Telegram kanalamizni kuzatib boring!