Shaqildoq ilon qanday qilib shaqillagan ovoz chiqaradi?

Shaqildoq ilon tovush bilan ogohlantirmasdan va halqa boʻlib oʻralmasdan ham hamla qilishi mumkin. Shuning uchun shaqildoq ilondan uzoqroq yuring!

Ammo u qanday qilib tovush chiqara oladi? Bu shaqillash qattiq muguzli, kosasimon boʻgʻinlar tomonidan chiqariladi. Ular bir-biri bilan erkin bogʻlangan. Shaqildoq ilon xotirjamligini yoʻqotganida, uning dumi tebrana boshlaydi. Tebranishlar sababli boʻgʻinlar yoki quyruq uchidagi halqalar bir-biriga uriladi. Natijada keskin shaqillagan tovush hosil boʻladi. Uni 18 metr uzoqlikdagi masofadan ham eshitish mumkin.

Ilon har poʻst tashlaganidan soʻng dumida yangi halqalar hosil boʻladi. Biroq bu halqalar soniga qarab ilonning yoshini aniqlash mumkinligini anglatmaydi: axir u yiliga 2 dan 4 martagacha poʻst tashlaydi. Shuningdek, yoshi oʻtgan sari dum uchidagi halqalar tushib boradi.

Chipor qora ilon tumshugʻi koʻzdan burun teshigigacha kichik dogʻlar bilan qoplangan bo‘ladi. Ular issiqlikka sezgir. Ilonlar tunda ov qilgani va issiqqon hayvonlar bilan oziqlangani tufayli bu dogʻlar oʻljani aniqlashga yordam beradi.

Agar hujum qilayotgan shaqildoq ilon uzoq masofani bosib oʻtishi mumkin deb oʻylasangiz, unda yana adashasiz. U qila oladigan maksimal narsa bu — boshini koʻtarishi. U halqa boʻlib oʻralganda ham, hamlasi uning butun uzunligining 1/3–1/2 qismini tashkil qiladi xolos. Eng katta shaqildoq ilonlar kamdan-kam hollarda 2,23 metrdan uzunroq boʻlgani sababli uning hujum doirasidan chiqish ehtimoli unchalik qiyin emas.

Endi tug‘ilgan ilon bolalarining dumi oxirida halqalari borligini bilasizmi? Ularning zaharli tishlari esa doim foydalanishga tayyor turadi.

Matnda xato topdingizmi? Kerakli matnni belgilang va CTRL+ENTER tugmalarini bosing.

Eng so‘nggi maqolalarni o‘tkazib yubormang!
Telegram kanalamizni kuzatib boring!