Agar fermada yashasangiz yoki chorvachilikka aloqangiz boʻlsa, bu kasallik haqida eshitgan boʻlishingiz mumkin. Bu deyarli barcha qoʻshtuyoqli qoramollarga taʼsir qiladigan juda yuqumli kasallik. Hayvon oqsim bilan kasallanganida, uning tili, labi, ogʻzi atrofida poʻrsildoq pufakchalar paydo boʻladi. Ularni terining nozik joylarida va tuyoqlar orasida kuzatish mumkin. Kasallik toʻsatdan paydo boʻlib, juda tez tarqaladi. Bu chorva mollari orasida katta yoʻqotishlarga olib keladi.

Agar bu kasallik jiddiy koʻrinish olsa, zararlangan hayvonlarning yarmi nobud boʻlishi mumkin. Omon qolganlari esa anchagina muammolarga duch keladi. Ular ovqatlana olmagani uchun juda koʻp vazn yoʻqotadi. Sigirlarda sut sogʻimi ham sezilarli darajada kamayadi. Aytgancha, ot oqsim bilan kasallanmaydi. Bu tashxis qoʻyishga yordam beradi. Aytaylik, fermada ot, sigir va choʻchqalarning tana harorati koʻtarildi. Shunda bu aniq oqsim kasalligi emasligini aytishimiz mumkin. Agar otlardan tashqari barcha hayvonlarda harorat koʻtarilsa, unda bu oqsim kasalligi deb aniq aytish mumkin.

Kasallik jiddiy muammolar tugʻdiradigan virus tufayli yuzaga keladi. Birinchidan, bu maʼlum boʻlgan barcha viruslarning eng kichigi. Taqqoslash uchun: chechak virusi 10 000 baravar katta. Yana bir muammo shundaki, agar yashash sharoitlari unga mos boʻlsa, virus uni yoʻq qilishga boʻlgan urinishlarga qarshilik qilishi, pichanda bu virus 30 kun davomida faol boʻlishi, muzlash haroratida esa u 76 kun davomida faol boʻlishi mumkin.

Bundan tashqari, u koʻplab antiseptiklarga qarshilik koʻrsata oladi. Yana bir qiyinchilik shundaki, oqsim kasalligini qoʻzgʻatuvchi viruslarning olti turi mavjud. Agar hayvon bitta turga qarshi immunitetga ega boʻlsa ham kasallik baribir qolgan beshta virus tufayli kelib chiqishi mumkin.