Santa Klaus haqidagi faktlar koʻpchiligimizga noodatiy tuyuladi. Biroq sovgʻalar berish odati bizni qadimgi rimliklarga qaytaradi. Injilda bir donishmand Iso Masihning 12 yoshga toʻlishi munosabati bilan unga sovgʻalar olib kelgani haqida yozilgan. Hozir ham Shimoliy Yevropaning baʼzi mamlakatlarida bolalar sovgʻalarni Masihning tugʻilgan kuni (Rojdestvo) da emas, balki 12 kundan keyin oladi. Shimoliy Yevropaning ayrim mamlakatlarida esa sovgʻalar Rojdestvo bayramidan deyarli uch hafta oldin beriladi. Buning sababi quyidagicha: Avliyo Nikolay sovgʻalarni oʻzining har yilgi bayrami — 6-dekabrda olib keladi deb oʻylashgan. 

Avliyo Nikolay IV asrda yashagan episkop boʻlib, u bolalarning eng yaxshi doʻsti deb hisoblangan. Shuning uchun Gollandiya, Belgiya, Shveysariya, Germaniyaning baʼzi joylarida, Avstriyada esa u har yili odobli bolalar uchun sovgʻalar bilan keladi. Daniyaliklar Avliyo Nikolayni “San Nikolas” yoki “Sankt Klaus” va keyinchalik “Santa Klaus” deb atagan. Biroq bu mamlakatlarda Santa Klaus keladigan kun Rojdestvo arafasiga oʻtgan. Bugungi kunda uning qizil libosi, bugʻu va Shimoliy qutbdagi uyi esa anʼananing bir qismiga aylandi.