Qadimgi Yunoniston koʻplab atoqli odamlarning vataniga aylangan va ular orasida eng qiziqarlilaridan biri miloddan avvalgi VI asrda yashagan taniqli olim Pifagordir. Pifagor voiz, matematik va faylasuf boʻlgan. Uning gʻoya va eʼtiqodlari tufayli Yunonistonni tark etib, janubiy Italiyaga koʻchib oʻtishiga toʻgʻri kelgan. Pifagor taʼlimoti nimasi bilan bunchalik gʻayrioddiy boʻlgan? U boqiylik va “ruhning koʻchib oʻtishiga” ishongan.

Boshqacha qilib aytganda, Pifagor oʻlimdan keyin jannatga tushmagan ruhlar boshqa odamlar yoki hayvonlarning tanasiga joylashishiga ishongan. Shuning uchun oʻz shogirdlariga goʻsht isteʼmol qilishni va hayvonlarni qurbon keltirishni taqiqlagan. Pifagorning izdoshlari — pifagorchilar boshqa koʻplab qatʼiy qoidalarga ham rioya qilgan. Masalan, ular sukut saqlashi va sharob ichmasligi kerak boʻlgan. Albatta, Pifagorning baʼzi gʻoyalari biz uchun anoyi va hatto ahmoqona tuyulishi mumkin.

Biroq u fanga katta hissa qoʻshganini unutmasligimiz kerak. U ohang balandligi uning uzunligiga qatʼiy bogʻliqligini aniqlagan. Shunga asoslanib, u uygʻunlik nazariyasini ishlab chiqqan va koinotdagi barcha narsa raqamlar zamirida qurilgan degan fikrni bildirgan.

Pifagorchilar Quyosh tizimiga oid nazariyani ham yaratgan. Ularning bu sohadagi gʻoyalari haqiqatga yaqin boʻlgan. Ular Yer Quyosh atrofida aylanadigan shar deb hisoblagan. Shuningdek, hamma toʻgʻri burchakli uchburchakda tomonlar nisbatini belgilaydigan mashhur Pifagor teoremasini boxabar.