Inson yer yuzidagi boshqa sutemizuvchilarga qaraganda tezroq harakatlanishi mumkin, lekin oʻz oyoqlari hisobiga emas! Hatto zamonamizning eng tezkor yuguruvchisi ham baʼzi hayvonlarga nisbatan juda imillagan tuyulishi mumkin. Odam soatiga 35 kilometr tezlikda yugura oladi. Ammo fil yoki karkidon kabi sustkash hayvonlar ham soatiga 40 kilometr tezlikka erisha oladi.

Anchagina tezkor hayvon deb hisoblangan chopqir ot soatiga 80 kilometr tezlikka erishishi mumkin. Eng tezkor tozi it esa soatiga 60 kilometr tezlikda yugurishi mumkin.

Agar sutemizuvchilarning haqiqiy tezligini bilmoqchi boʻlsak, unda antilopa va ohu kabi hayvonlarni koʻrib chiqishimiz kerak. Bu hayvonlar soatiga 100 kilometr tezlikka erisha oladi. Ammo tezlik boʻyicha hayvonot olamining “chempioni” geparddir. Bu hayvonning tezligi soatiga 110 kilometrdan oshadi. Albatta, ular bunday tezlikni bir kilometrdan oshmaydigan masofada ushlab turishi mumkin, keyin esa sekinroq tezlikka oʻtadi.