Bir vaqtlar kit ovlash juda muhim edi. Hozir esa koʻpchiligimiz uchun kit ovlash gʻoyasi biroz gʻalati tuyulishi mumkin. Ushbu ulkan mavjudotlardan qanday foydali narsalarni olishimiz mumkin? Maʼlum boʻlishicha, kitlarni ovlash natijasida olingan qimmatbaho mahsulotlar miqdori anchagina ekan. Shunday qilib, kitning teri ostidagi yogʻ qatlamiga ega toʻqimasidan ajoyib yogʻ olinadi. Bu yogʻ chiroqlar uchun, shuningdek, u sovun tayyorlashda ham ishlatiladi.

Koʻpchilik kitlarning goʻshti juda mazali. Ularning suyagidan oʻgʻit tayyorlanadi. Kashalotlardan spermatset — bosh suyagi boʻshligʻida joylashgan yogʻ olinadi. Spermatset malham, kosmetika va sham tayyorlashda ishlatiladi. Shuningdek, kashalotlardan ichaklarda ishlab chiqariladigan va atir tayyorlashda ishlatiladigan juda qimmatli modda — kulrang anbar olinadi.

Kashalotning tishi va narvalning dandon tishi fil suyagi kabi juda qimmatli suyakdir. Oq kitning terisidan esa charmga oʻxshash mahsulot ishlab chiqariladi.

Barcha kitsimonlar sutemizuvchi ekanini bilarmidingiz? Ularning ajdodlari bir vaqtlar quruqlikda yashagan. Ularning suzgichlari haligacha besh barmoqli qoʻllarga oʻxshaydi. Ammo koʻp ming yillar davomida suvda yashab, ular bunday hayotga moslashgan.