Tibbiyot haligacha qazgʻoq paydo boʻlishining sabablari haqidagi savolga aniq javob bera olmagan. Qazgʻoqni bosh terisi va sochlarda mayda qipiqlar paydo qiladigan bosh terisi kasalligi deb hisoblash mumkin. Bu hodisaning ilmiy nomi seboreyali ekzemadir. Bosh terisining bunday holatini qandaydir infeksiya keltirib chiqarishiga oid koʻplab dalillar mavjud. Ammo bu hali toʻliq isbotlanmagan va infeksiyaning qoʻzgʻatuvchisi aniqlanmagan.

Biz qazgʻoqning soch ildizlari bilan bogʻliq baʼzi bezlar faolligi oshgan hollarda paydo boʻlishini deyarli bilamiz. Yogʻ bezlari deb ataladigan bu bezlar tomonidan ishlab chiqariladigan modda teri yogʻi deb nomlanadi. Bu modda qipiqlar hosil qilgani sababli bosh qichiy boshlaydi. Baʼzida qazgʻoq boshdagi zamburugʻ shakllanishi yoki bakteriyalar soni odatdagi meʼyordan oshganda ham paydo boʻladi. Ammo katta ehtimol bilan bu omillar qazgʻoqqa katta taʼsir koʻrsatmaydi. U faqat vaziyatni murakkablashtiradi. Albatta, agar qazgʻoq qattiq qichishish va odamning qashinishiga sabab boʻlsa, shikastlangan teri orqali mikroorganizmlar chuqur kirib borib, infeksiyaga olib kelishi mumkin.

Qazgʻoq kam boʻlgan hollarda, ortiqcha yogʻ va qazgʻoq qipiqlaridan xalos boʻlish uchun sochlarni haftasiga bir-ikki marta yuvish va boshni yaxshilab massaj qilish kifoya. Bunday choralar koʻp hollarda yordam berishi mumkin. Ammo hatto sochni yuvish ham foyda bermaydigan qiyin vaziyatlarda, shifokorga murojaat qilish kerak.