Har bir tish ildiz va uning ogʻizda koʻrinadigan qismidan iborat. Tishda toʻrt xil modda mavjud. Tishning ustki qismini qoplaydigan emal — qattiq va yaltiroq modda. Sement — ildizni qoplab turadigan, suyakka oʻxshash modda. Tish tanasi fil suyagiga oʻxshash dentindan iborat.

Tish pulpasi esa tish ichidagi kovak joy boʻlib, u pulpa boʻshligʻi deb ataladi. Tish pulpasi nerv, arteriya va tomirlarni oʻz ichiga olgan toʻqimalardan iborat. Ular tishga ildiz uchi yaqinidagi teshik orqali kiradi. Oziq-ovqat mahsulotlarida kalsiy yoki D vitaminining yetishmasligi emalning zaiflashishiga olib keladi va natijada tishlar erta yemiriladi. Tish atrofida ayniqsa kechasi, shakar yoki kraxmal boʻlgan oziq-ovqat qoldiqlarining toʻplanishi uning yemirilishini kuchaytiradi. Bu moddalar ogʻiz boʻshligʻida parchalanib, tishdagi kalsiyga taʼsir qiluvchi va uni eritadigan kislotalarni ishlab chiqargani tufayli tishlar yumshaydi va bakteriyalar ularga osongina kirib boradi.

Nega tishlar baʼzida soʻyloq boʻladi? Buning sababi har xil boʻlishi mumkin, ammo olimlarning fikriga koʻra, bu muammo zamonaviy odamning jagʻi qanday rivojlangani bilan bogʻliq boʻlishi mumkin. Aftidan, zamonaviy odamning jagʻi har doim ham tishlari uchun yetarli joyni taʼminlamaydi. Shuning uchun ular egilgan holatda paydo boʻladi yoki oʻsish jarayonida qiyshayadi.