Bizga maʼlum boʻlishicha, golf Shotlandiyada paydo boʻlgan. Ammo tarixga chuqurroq nazar tashlasak, golf uzoq oʻtmishga borib taqalishini koʻramiz. Rim imperiyasi boshlangan davrda paganika deb nomlangan oʻyin boʻlgan. U pat bilan toʻldirilgan charm toʻp va klyushka sifatida ishlatilgan qayrilgan tayoq bilan oʻynalgan. Golfga oʻxshash oʻyin Angliyada XIV asrning oʻrtalarida mavjud boʻlgani haqida dalillar bor. Britaniya muzeyidagi XVI asrga oid bir kitobda chuqurchalar yonida har biri toʻp va klyushkalar bilan turgan uch oʻyinchi tasvirlangan rasm mavjud.

XV asrda Shotlandiyada golf shu qadar mashhur boʻlganki, oʻyin juda koʻp vaqtni olgani uchun hatto golf oʻynashni taqiqlovchi qonunlar ham qabul qilingan. Golfga boʻlgan qiziqish boshqa narsalar qatorida odamlarning harbiy tayyorgarlikka eʼtiborsiz boʻlishiga va yakshanba kunlari cherkovga kamroq tashrif buyurishiga sabab boʻlgan. Qadim zamonlardan beri golf oliyjanob va qadimiy oʻyin sifatida tanilgan.

Qirollar nasliga mansub Yakov IV, Yakov V, Mariya Styuartlar golf oʻynashni xush koʻrgan. Golf klublari XVIII asrda paydo boʻla boshlagan. Katta ehtimol bilan birinchi klub 1744-yilda tashkil etilgan va Edinburg golfchilarining olijanob kompaniyasi deb nomlangan. 1754-yilda tashkil etilgan Qirollik va avliyo Endryu Qadimiy Golf klubi oʻyin qoidalariga oʻzgartirishlar kiritib, ularni batamom rasmiylashtirgan.  Bu klubning qarorlari Qoʻshma Shtatlardagi klublardan tashqari hamma joyda qabul qilingan.

1951-yilda Qoʻshma Shtatlar Golf Assotsiatsiyasi umumiy qoidalarga rozi boʻldi. AQShda golf 1799-yildan beri oʻynab kelinmoqda. Ammo Qoʻshma Shtatlarda golf muntazam va doimiy ravishda oʻynash boshlanganiga qadar kamida yuz yil vaqt ketdi. AQShning birinchi golf klubi 1888-yilda Nyu-York shtatida joylashgan Yonkers shahrida tashkil etilgan.