Asal tabiatning eng ajoyib mahsulotlaridan biridir. U inson tomonidan shakarning yagona manbasi boʻlgan qadim zamonlardan beri ishlatilgan. Qadimda asaldan tibbiy maqsadlarda foydalanilgan: undan alkogolli ichimliklar tayyorlangan, sharob bilan aralashtirilgan. Misrda asal mumiyolashda balzamlovchi sifatidagi moddalardan biri boʻlgan.

Qadimgi Hindistonda asal mevalarni saqlash uchun saqlovchi vosita sifatida xizmat qilgan, shuningdek, taom tayyorlashda ham ishlatilgan. Asal Injil, Qurʼon, qadimgi yunon mualliflarining asarlarida tilga olingan. Koʻrib turganingizdek, asaldan foydalanish uzoq tarixga borib taqaladi.

Hozirgi vaqtda asal turli sohalarda qo‘llanadi. U oziq-ovqat, meva, shirinlik va qandolat mahsulotlariga xushboʻy hid beradi. Bundan tashqari, u muzqaymoq va bolalar ovqatlarini tayyorlashda, tibbiy maqsadlarda ham ishlatiladi. Sportchilar uchun u energiya manbasi boʻlib xizmat qiladi.

Asal dezinfeksiyalovchi xususiyatlarga ega boʻlgani uchun undan yara va kesilgan joylarni davolashda foydalaniladi. Asal qoʻl malhamlari, sigareta, antifriz va hatto golf toʻpchalarini ishlab chiqarishda ham ishlatiladi.