Tarvuz va qovunni deyarli hamma sevib iste’mol qiladi. Bizning davrimizda maʼlum va keng tarqalgan narsa haqida gap ketganda, u koʻp ming yillar davomida odamlarga maʼlum boʻlib, ularni xursand qilganiga ishonish qiyin! Bu oʻsimliklarning vatani boʻlgan Osiyoda ular hatto yovvoyi holda ham uchraydi. Bir necha ming yil oldin tarvuz va qovun u yerdan boshqa mamlakatlarga ham keltirilgan boʻlishi mumkin.

Tarvuz hatto qadimgi misrliklarning ham tansiq taomi hisoblangan. Qadimgi rimliklar va balki yunonlar ham tarvuzdan biz kabi zavq olgan. Davrimizga yaqin vaqtlarda, taxminan 300 yil oldin fransuzlar tarvuz yetishtirishni boshlagan. Tarvuz va qovun bodring va qovoq bilan bir oʻsimlik oilasiga mansub. Ular chirindiga boy issiq, qumoq tuproqlarda yaxshi oʻsadigan chirmashadigan o‘simlik.

Sovuq iqlimli hududlarda tarvuz issiqxonalarda yetishtiriladi. Barcha tarvuz va qovunlar ikkita asosiy oʻsimlikdan kelib chiqqan. Qovun dastlab Janubiy Osiyoda, tarvuz esa tropik Afrikada oʻsgan. Ammo ular yetishtirilgan asrlar davomida koʻplab mamlakatlarga tarqalgan va hozirgi vaqtda ularning turlari juda koʻp. Mushk qovunlarining nomi ular taratadigan xushboʻy ifor tufayli paydo boʻlgan. Mushk qovunlari “kantalupalar” deb ham ataladi. Tarvuz qovunga qaraganda ancha katta va sezilarli darajada sersuvdir.