Eskimoslar Shimoliy Amerika hindularining bir koʻrinishidir. Ular Shimoliy va Janubiy Amerikadagi boshqa aborigenlarga qaraganda moʻgʻullarga kamroq oʻxshaydi. Eskimoslar ham hindular singari Osiyodan kelgan. Birinchi eskimoslar Shimoliy Amerikaga Bering boʻgʻozi va Alyaska orqali 2000-3000 yil oldin kelgan degan fikr mavjud. Keyin ularning ayrimlari Alyaskaning sharqiy va janubiy qirgʻoqlari boʻylab harakatlanib, hozirgi Ankoridj joylashgan joyga yetib kelgan. Boshqalari Aleut orollariga joylashgan, ammo aksariyati Alyaska va Kanadaning shimoliy qirgʻoqlari boʻylab gʻarbga qarab harakatlangan.

Eskimos va yevropaliklarning bizga maʼlum birinchi uchrashuvi taxminan milodiy 1000-yillar atrofida skandinaviyalik sayohatchilar ularni Labrador yoki Nyufaundlendda uchratganda yuz bergan. Keyinchalik eskimoslar Grenlandiyada norvegiyaliklar bilan uchrashgan. XII–XIII asrlarda Grenlandiyada yevropaliklar va eskimoslar oʻrtasida koʻplab aralash nikohlar boʻlgan. Bugungi kunda u yerdagi koʻplab eskimoslar yevropaliklarga oʻxshaydi.

Eʼtiborli jihati, eskimoslar koʻpchilik yevropaliklar singari bir-biridan farq qiladi. Ularning baʼzilari oqish rangli skandinaviyalik yoki nemislarga, boshqalari esa qora sochli italiyaliklarga oʻxshaydi. Eskimoslarning shimolda yashashi sababi ularning ovchi ekanligida va mamlakati Shimoliy Amerikadagi ov qilish uchun eng yaxshi joylardan biri boʻlganidandir.