Ayrim davrlarda dunyoning baʼzi qismlarida sivilizatsiya rivojlanishi gʻayrioddiy choʻqqilarga koʻtarilib, odamlar buyuk ishlarni amalga oshirgan. Bunday davrlardan biri Yunonistonda miloddan avvalgi 500-yildan 429-yilgacha davom etgan Oltin asr edi. V asrning boshlarida forslar Yunonistonga bostirib kirgan, ammo yunonlar isyon koʻtarib, ularni quvib chiqargan. Bu kurashni Afina aholisi boshqargani uchun shahar Yunonistonning eng boy va qudratli davlatiga aylangan. Afina Yunonistonning butun flotidan kattaroq kemalar flotini qurgan. Afinaga manbalari boshqa davlatlardan olinadigan oʻlpon, savdo, kumush konlari boʻlgan boyliklar oqib kela boshlagan. Afina aholisi toʻrt baravar koʻpaygan.

Yangi odamlar, kuch-qudrat va farovonlik tufayli Afinadagi sanʼat shu vaqtgacha tarixda hech uchramagan tarzda gullab-yashnagan. Bu Afinaning dono sardori nomi bilan atalgan Perikl davri edi. Bu davrda dunyodagi eng goʻzal va mashhur binolardan biri boʻlgan Parfenon qurilishi boshlangan. Oʻsha paytda Afinada yashagan odamlar orasida buyuk haykaltarosh Fidiy, mutafakkir Suqrot, bir nechta tarixdagi eng buyuk pyesalarni yozgan dramaturglar Sofokl va Yevripid boʻlgan. Afinani yanada chiroyli qila oladigan har bir kishi ragʻbatlantirilgan va koʻplab durdonalar paydo boʻlgan. Bundan tashqari, kuchli rivojlanish va bunday kuch-qudrat tufayli odamlar juda koʻp boʻsh vaqtga ega boʻlgan.

Afina fuqarolari uchun oʻzlaridan oldingi va keyingi har qanday jamiyatdan koʻra koʻproq intellektual va madaniy manfaatlar muhim ahamiyatga ega boʻlgan. Yunonistonning Oltin asri butun dunyoga, hatto bizning davrimizga ham taʼsir qilgan bebaho sanʼat asarlari va durdonalarini yaratgan. Keyinchalik, miloddan avvalgi V asrda Afina hamda Sparta va uning ittifoqchilari oʻrtasida kurash boshlangan. Afina madaniyati tanazzulga yuz tutib, Oltin asr yakuniga yetgan.