Yangi yil bayrami butun dunyodagi eng qadimiy va eng maroqli anʼanalardan biridir. Ammo shu bilan birga, bunday turli sanalarda va turlicha nishonlanadigan boshqa bayram ham yoʻq. Qadimgi yunonlar oʻz yangi yillarini 21-iyundan keyingi yangi hilol tugʻilishi bilan boshlagan. Yuliy Sezar hukmronligi boshlanishidan oldin Rimda yangi yil 1-martda boshlangan. Oʻrta asrlarda Yevropaning aksariyat mamlakatlarida yil boshi 25-martga toʻgʻri kelgan.

Bugungi kunda-chi? Aksariyat xristian mamlakatlarida yil 1-yanvardan boshlanadi. Ammo boshqa mamlakat va dinlar ushbu bayramni oʻz taqvimiga koʻra turli vaqtlarda nishonlaydi. Xitoyliklar yangi yil kirishini ikki marta — birini 1-yanvarda, ikkinchisini esa Xitoy oy taqvimiga muvofiq hisoblanadigan yangi yil kuni nishonlaydi. Bu 23-yanvardan 19-fevralgacha boʻlgan har qanday kunga toʻgʻri kelishi mumkin.

Yangi yil bayrami Indoneziyada ham ikki marta — biri 1-yanvarda, ikkinchisi sanasi yildan-yilga oʻzgarib turadigan islom Yangi yilida nishonlanadi. Rus pravoslav cherkovi yangi yilni Yuliy taqvimiga koʻra 14-yanvarda bayram qiladi.

Yahudiylarning Yangi yili kuzgi tengkunlik bilan bir vaqtda sentabr oyining oxiri yoki oktabr oyi boshlarida nishonlanadi.

Vyetnamda esa yil odatda fevralda boshlanadi.

Eronda Yangi yil 21-martda bayram qilinadi. Hindistondagi diniy guruhlarning har birida yilning boshlanish sanasi turlicha. Masalan, ulardan biri aprel yoki may oylariga toʻgʻri keladi.

Marokash aholisi yangi yil boshlanishini islom yilining birinchi oyi boʻlgan muharram oyining 10-kunida nishonlaydi.

Koreyslar Yangi yilni yanvar oyining birinchi uch kunida nishonlaydi. Aytgancha, yangi yil tabriknomalarini yuborish anʼanasi oʻtmishga borib taqaladi.

Xitoyliklar 1000 yildan ortiq vaqtdan beri bunga amal qiladi. Ularning tabriknomalarida na tabrik, na xabar, unda faqatgina tabriklash uchun kelgan mehmonning ism-sharifi boʻlgan.