Har qanday odamning qoni asosan bir xil tanachalar, plazma va boshqa kimyoviy moddalardan iborat. Ammo turli odamlarda tanachalar va plazmadagi kimyoviy moddalarning tashkiliy shakli, konsentratsiyasi farq qiladi. Toʻrtta asosiy guruh yoki qon turi mavjud boʻlib, shunga mos ravishda har bir kishi qondagi maʼlum bir protein molekulalarining mavjudligi yoki yoʻqligiga koʻra A, B, O va AB deb ataladigan toʻrtta guruhdan biriga mansub.

Agar ikki xil guruh qonini aralashtirsangiz, u ivib qoladi. Bu qizil qon tanachalari va plazmadagi protein molekulalari oʻrtasidagi reaksiya tufayli sodir boʻladi. Bunday kimyoviy reaksiya ehtimoli qon guruhi nomaʼlum boʻlgan odamdan bemorga toʻliq qon quyilayotganda juda xavflidir. Ammo qondan tanachalar olib tashlansa, qolgan plazma qon guruhidan qatʼi nazar, har kimga quyilishi mumkin.

Agar guruh va kichik guruhlari mos kelsa, qonni bir kishidan boshqasiga quyish mumkin. Ammo odatda bir guruh boshqasiga qaraganda koʻproq uchraydi. Insonning jismoniy evolyutsiyasini oʻrganadigan antropologlar qon guruhlarini individ va odam guruhlari oʻrtasidagi aloqalarni koʻrsatishning bir usuli deb ataydi. Shunday qilib, har bir guruh va kichik guruh ichidagi maʼlum farqlarga qaramay, inson qoni aslida bir xil deb aytishimiz mumkin. Xuddi shu tarzda, hayvonlarning har bir turi oʻziga xos qon turiga ega. Misol uchun, mushuklar ham xuddi itlar kabi oʻziga xos qon turiga ega. Bir turdagi hayvon qonini boshqa turdagi jonivorning qoniga almashtirib boʻlmaydi.