Ehtimol, qoʻlingizga bir necha bor slyuda parchasi tushgandir va uni osongina parchalab tashlagandirsiz. Siz uni jelatin deb atagan boʻlishingiz ham mumkin.

Slyuda mineral hisoblanadi. Slyudalar yopishqoqligi va egiluvchanligi tufayli tez oʻzgaradi, yengil jilolanadi. “Slyuda” atamasi muskovit, flyugopit, biotit va lepidolitni oʻz ichiga olgan togʻ minerallarining butun oilasini oʻz ichiga oladi. Talaffuz qilish qiyin boʻlgan yuqoridagi nomlarni o‘qib, nega biz bu minerallarning barchasini slyuda deb atashimizni tushungandirsiz.

Ushbu minerallar tarkibida turli metallar mavjud boʻlsa ham, ularning barchasi juda oʻxshash. Slyudaning barcha turlari osongina qatlamlarga boʻlinadi. Ular yumshoq, yuzasida hatto tirnoq izlari ham qoladi. Barchasi bir xil turdagi kristallardan hosil boʻlgan. Ular rangsiz va sariq, yashil, qizil, jigarrang, qora ranglarda boʻlishi mumkin.

Slyuda yer qobig‘idagi togʻ jinslarida joylashadi. U erigan lava soviganida hosil boʻlgan vulqon jinslarining bir qismidir. Baʼzi hollarda slyuda boshqa minerallardan “metamorfizm” deb nomlangan jarayon orqali, yaʼni bosim, issiqlik va suv taʼsiridan kelib chiqadigan oʻzgarishlar natijasida paydo boʻladi.

Slyuda konlarda qazib olinadi. Slyuda qazib olishning eng muhim hududlari: AQSh, Kanada, Hindiston, Madagaskar, Rossiya, Braziliya va Janubiy Afrika.

Sanoat maqsadlarida foydalanish uchun slyuda qatlamlarga ajratiladi va kerakli boʻlaklarga boʻlinadi. Slyuda yaxshi izolyator boʻlib, issiqlik va elektr energiyasini oʻtkazmaydi. Shubhasiz, slyuda elektr jihozlari va yongʻinga chidamli materiallar ishlab chiqarishda keng qoʻllanadi. Slyuda uyingizdagi dazmol va boshqa elektr jihozlarida mavjud. Bilasizmi, shisha ixtiro qilinishidan oldin derazalarga slyuda qoʻyilgan.